JIDU xalqaro amaliyotdagi DXSh tajribasiga bag‘ishlangan ta’lim dasturini o‘tkazdi

Jahon iqtisodiyoti va diplomatiya universitetining Boshqaruv ta’limi fakultetida AXELCIUM (Fransiya) konsalting kompaniyasi bilan birgalikda 6-8-iyun kunlari “Davlat-xususiy sheriklik (DXSh): xalqaro amaliyotdan muvaffaqiyatli misollar” mavzusida ta’lim dasturi o‘tkazildi.

DXSh loyihalarini joriy etish va amalga oshirish jarayoniga jalb etilgan O‘zbekiston vazirliklari, idoralari va hududlarining 40 dan ortiq rahbarlari va mutaxassislari o‘qitildi.

Oliy Majlis Senati Raisining birinchi o‘rinbosari, Jahon iqtisodiyoti va diplomatiya universiteti rektori Sodiq Safoyev ishtirokchilarni kursni muvaffaqiyatli tamomlagani bilan tabrikladi.

“Dastur O‘zbekiston Prezidenti Sh.Mirziyoyev tomonidan O‘zbekistonning energetika, infratuzilma va boshqa tarmoqlariga xususiy sarmoyalarni jalb etish bo‘yicha belgilangan vazifalardan kelib chiqqan holda amalga oshirilgan. Bu borada muvaffaqiyatli jahon tajribasini o‘rganish asosida davlat-xususiy sheriklikdan foydalanish muhim ahamiyatga ega, - dedi S.Safoyev.

Ta’lim dasturi ishtirokchilari davlat-xususiy sheriklik tamoyillari va muvaffaqiyatli DXSh loyihalarini amalga oshirish shartlari bilan amaliy tanishishning muhimligini xalqaro amaliyotdan ta’kidlab, ushbu loyiha tashkilotchilariga minnatdorchilik bildirdi.

Dastur yakunlangach, tinglovchilarga xalqaro sertifikatlar topshirildi.