Alisher Navoiy va zamonaviy dunyo

JIDUda buyuk shoir va mutafakkir Alisher Navoiy tavalludining 581 yilligi  munosabati bilan “Milliy tiklanishdan - Milliy yuksalish sari!” bosh tamoyili asosida  “Hazrat dunyo kezar (Alisher Navoiy va zamonaviy dunyo)”  nomli tadbirlar doirasida “Alisher Navoiyni bilasizmi?” mavzusida viktorina bo‘lib  o‘tdi.

Oʻsib kelayotgan yosh avlodning intellektual salohiyatini oshirish, ular qalbida yuksak axloqiy fazilatlarni tarbiyalashdagi beqiyos ahamiyatini nazarda tutib, shuningdek, ulugʻ shoir va mutafakkirlarning adabiy-ilmiy merosini mamlakatimizda va xalqaro miqyosda yanada keng targʻib etish maqsadida   JIDUda O‘zbek va rus tillari kafedrasi tomonidan  buyuk shoir va mutafakkir Alisher Navoiy tavalludining 581 yilligi  munosabati bilan “Milliy tiklanishdan - milliy yuksalish sari!” degan bosh tamoyil asosida  “Hazrat dunyo kezar (Alisher Navoiy va zamonaviy dunyo)” nomli  tadbirlar  oyligi doirasida “Alisher Navoiyni bilasizmi?” mavzusida  viktorina haftaligi o‘tkazildi.

Ushbu tadbirda universitet professor-o‘qituvchilari va  Xalqaro iqtisodiyot va menejment, Xalqaro munosabat va Xalqaro huquq fakulteti  talabalari ishtirok etdi.

Tadbirni Jahon iqtidodiyoti va diplomatiya universiteti Yoshlar masalalari bilan ishlash bo‘yicha prorektori Yusupjonov Odil Abdugafurovich kirish so‘zi bilan ochib berdi. U adabiyotning jamiyat ma'naviy hayotidagi o‘rni, inson ongi, ruhi hamda hissiga beqiyos ezgu ta'siri haqida so‘zlab, millatimizning buyuk allomasi, she’riyat mulkining sultoni, o‘zbek  adabiy tilining asoschisi, mutafakkir shoir Nizomiddin mir Alisher Navoiy  hayoti, uning o‘lmas ijodiy asarlarini o‘qish, ijodidan bahramand bo‘lish    muhim ekanligini ta’kidladi.    

Navbatdagi notiq o‘zbek va rus tillari kafedrasi mudiri M.Abduraxmonova o‘z nutqida  xalqaro sohada faoliyat yuritadigan mutaxassislar tariximiz, tilimiz, buyuk allomalarimiz ijodiy merosini chuqur o‘rganib, mukammal bilimga ega bo‘lishlari, jumladan, buyuk mutafakkirimiz Alisher  Navoiy asarlarini mutolaa qilishi ularning ma’naviy barkamolligini ko‘rsatuvchi asosiy mezonlaridan biri  ekanligini alohida ta’kidlab,  O‘zbek va rus tillari kafedrasi  dotsenti Shoira Normatovaga so‘z berdi.

Shoira Normatova  o‘z  taqdimotida  Navoiy she'riyatining siri, sehrini namoyon qiluvchi yorqin misollar keltirib,  buyuk arbobning  ijodiy merosi va asarlarining ahamiyati haqida qiziqarli ma’lumotlar berdi. Shuningdek, notiq O‘zbek tilida muloqot ko‘nikmalari fani doirasida  mustaqil  mutolaa qilish  uchun Navoiyning eng sara asarlari  tanlab olinganligini aytib o‘tdi.

 Tadbir davomida  yoshlar ma’naviy va ma’rifiy ishlar bo‘yicha bo‘lim boshlig‘i Furqat Yaxshiyev va  O‘zbek va rus tillari kafedrasi o‘qituvchisi Shaxnoza Xudayqulovalar ham  “Alisher Navoiyni bilasizmi?” mavzusidagi viktorinada  talabalarni Navoiyning hayoti,  ijodi, siyosiy va ijtimoiy hayotdagi o‘rni, uning merosini qay darajada bilishlarini sinovdan o‘tkazdi.

Viktorina natijalariga ko‘ra, quyidagi talabalar g‘olib deb topildi:

1.  Bahodir Dadaboyev, Xalqaro huquq fakulteti, 1-kurs, 1-o'rin
2. Maftuna Mo‘minova, Xalqaro huquq fakulteti, 1-kurs, 1-o'rin
3. Isfandiyor Bahoviddinov, Xalqaro iqtisodiyot va menejment fakulteti talabasi,  1-kurs, 2-o'rin
4. Jiyanov Sardor,  Xalqaro huquq fakulteti, 2-kurs, 2-o'rin
5. Shohjahon Haydarqulov, Xalqaro huquq fakulteti, 1-kurs, 2-o'rin
6. Samandar Soliyev, Xalqaro munosabatlar fakulteti, 1-kurs, 2-o'rin
7. Umida Qurbonova, Xalqaro munosabatlar fakulteti, 1-kurs, 3-o'rin
8. Nurfozil Latipov, Xalqaro munosabatlar fakulteti, 1-kurs, 3-o'rin
9. Otabek Suyunov, Xalqaro huquq fakulteti, 1-kurs, 3-o'rin

G‘oliblarni muvaffaqiyatlari bilan qutlab, ularga yangi marralarda zafarlar tilab qolamiz!

Yoshlarni buyuk ajdodlarimiz merosini o‘rganishlariga qiziqtirish maqsadida amalga oshirilgan ushbu loyiha samarali natija berdi.