JIDU bitiruvchisi Dilshod Axatov O'zbekistonning Hindistondagi elchisi etib tayinlandi

O'zbekiston Respublikasi Oliy Majlisining Senati Axatov Dilshod Hamidovichni O'zbekistonning Hindistondagi Favqulodda va Muxtor elchisi etib tayinlash to'g'risida qaror qabul qildi.

U Jahon iqtisodiyoti va diplomatiya universitetining birinchi bitiruvchilaridan biridir.

Dilshod Axatov diplomatik faoliyatda boy tajribaga ega, u Tashqi ishlar vazirligi markaziy apparatida turli rahbar lavozimlarda ishlagan.

U O'zbekistonning Germaniyadagi elchisi (bir vaqtning o'zida Shveytsariya, Chexiya, Shvetsiya va Ispaniyada), so'nggi yillarda tashqi ishlar vazirining o'rinbosari lavozimida ishlagan.

Dilshod Axatovga shunday mas'uliyatli diplomatik faoliyatda katta muvaffaqiyatlar tilaymiz!