Qirg'iziston olimlari bilan hamkorlik

Jusup Balasagyn nomidagi Qirg'iziston Milliy universitetida jurnalistika fakulteti Davriy matbuot kafedrasining 60 yilligi va Matbuot kuniga bag'ishlangan xalqaro konferentsiya bo'lib o'tdi. Mazkur kafedra respublikada yuqori malakali mutaxassislar tayyorlashning beshigi bo'lgan deb hisoblanadi. Universitetda 20 ta fakultetda 23 mingdan ortiq talabalar tahsil olishadi. Jurnalistika fakultetida uchta kafedra, televizion studiya, radiostudiya, uchta kompyuter xonasi, jihozlangan o'quv xonalari va laboratoriyalar mavjud bo'lib, 500 dan ortiq talabalar jurnalistlik kasbini muvaffaqiyatli o'zlashtirdilar.

Jurnalistlarning alma mater yubileyini nishonlash uchun nafaqat uning bitiruvchilari, hozirda taniqli siyosiy arboblar, deputatlar, respublikaning axborot markazlari rahbarlari, shuningdek, Qozog'iston, O'zbekiston, xalqaro tashkilotlar vakillari, olimlar, mutaxassislar va ommaviy axborot vositalari boshluqlari tashrif buyurishdi.

Konferentsiyani KMU prorektori Sodik Alaxan (Tillyebayev) ochib berdi. U u o'z nutqida Qirg'izistonda jurnalistikani rivojlantirishda va umuman respublika OAV uchun mutaxassislar tayyorlashda “Davriy matbuot”  kafedraning ahamiyatiga e'tibor qaratdi. Jogorku Kengash deputatlari Qanbek Imanaliyev, Aynura Asqarova va boshqalar universitetning jurnalistika mutaxassisliklari bitiruvchilari faol siyosiy arboblar ekanligini, Jogorku Kengashining 120 deputatidan 7 nafari jurnalistlar ekanligini ta'kidladilar. Yalpi majlisda so'zga chiqqan etakchi gazetalar, axborot markazlari muharrirlari va respublikaning boshqa universitetlari rahbarlari o'zlari olgan bilimlarini, xotiralarini KMUda o'qish davri bilan bog'ladilar.

Plenar va sektsion yig'ilishlarda O'zbekistonlik olimlar, filologiya fanlari doktori, Jahon iqtisodiyoti va diplomatiya universiteti professori Fotima Mo'minova, O'zbekiston Milliy universiteti dotsenti Shavkat Ibragimov so'zga chiqdilar, ularning chiqishlari o'zbek ommaviy axborot vositalari tipologiyasi va davlat va aholi o'rtasidagi muloqot platformasini yaratishda ommaviy axborot vositalarining roliga bag'ishlandi. Mehmonlar,  hamkasblar, professor Klara Kabylgazina, KazMU doktorantlari Nelya Rushanov va Aytolkin Ashimova o'zlarining taqdimotlari va Qozog'istondagi ommaviy axborot vositalari muammolari haqida tadgiqotlarini taqdim etdilar, jurnalistik tajribalari bilan o'rtoqlashdilar. Xalqaro forum ishtirokchilariga sertifikatlar topshirildi. Anjumanning ikkinchi kuni Qirg'izistonning diqqatga sazovor joylariga sayohatlarga bag'ishlandi.