“Vatan himoyachilari kuni” munosabati bilan “Mardlar qoʻriqlaydi Vatanni” nomli tantanali tadbir tashkil etildi

2018 yilning 14 yanvar kuni Jahon iqtisodiyoti va diplomatiya universiteti akademik litseyida Oʻzbekiston Respublikasi Qurolli Kuchlari tashkil etilganligining 27 yilligi hamda 14 yanvar - “Vatan himoyachilari kuni” munosabati bilan “Mardlar qoʻriqlaydi Vatanni” nomli tantanali tadbir tashkil etildi. 

Tadbirda zahiradagi podpolkovnik, harbiy uchuvchi Abdujanov Jumadulla, Ichki ishlar vazirligi akademiyasining 1 bosqich kursanti Baxtiyorov Ulugʻbeklar ishtirok etdilar. 
Tadbir davomida, oʻquvchilar tomonidan Vatan tuygʻusi, Vatan xavfsizligi, sarhadlarimiz daxlsizligini taʼminlayotgan himoyachilarimizni madh etuvchi vatanparvarlik ruhidagi kuy-qoʻshiqlar hamda yangilangan mustahkam armiyamiz faoliyatini ifoda etuvchi chiqishlar va sahna koʻrinishlari namoyish etildi.