“Karyera kuni”

O'zbekiston Respublikasi Vazirlar Mahkamasining oliy va o'rta maxsus ma'lumotli bitiruvchilar bandligini ta'minlash qarori ijrosi yuzasidan Jahon iqtisodiyoti va diplomatiya universitetida  2008 yildan boshlab “Mehnat yarmarkasi” o'tkazib kelinadi.  Ananaviy tadbir joriy yilning 23 fevral  kuni “Karyera kuni” yana bir bor o'tkazildi. Ushbu tadbirda 50 dan ortiq tashkilotlar  va 200 dan ortiq bitiruvchilar qatnashdilar.

Mazkur taqdimotga Respublikamizning bir qator vazirliklari, korxona va tashkilotlari, jumladan O'zbekiston Respublikasi Tashqi ishlar vazirligi, Tashqi savdo vazirligi, Adliya vazirligi, Ichki ishlar vazirligi, Bandlik va mehnat munosabatlari vazirligi, Favqulodda vaziyatlar vazirligi, O'zbekiston Respublikasi Prezident huzuridagi Strategik va mintaqalararo tadqiqotlar instituti  kabi tashkilotlardan vakillar tashrif buyurishdi.

“Karyera kuni”ni universitet prorektori V.Hoshimov kirish so'zi bilan ochib berdi. So'ngra universitet haqidagi video-roligi  namoyish etildi. Tadbirning ikkinchi qismida universitet bitiruvchilari va ish beruvchi tashkilotlar vakillari bilan ochiq muloqot tashkil qilindi. Ochiq muloqot mobaynida ish beruvchilar bitiruvilarni ishga joylashish bo'yicha shartlar bilan tanishtirdilar, vakant ish o'rinlari to'g’risida ma'lumot berdilar,  hamda tashkilotlarga yosh mutaxassislardan talab qilinayotgan kasbiy qobiliyat va ko'nikmalar, ta'lim dasturlarini yanada takomillashtirishga yo'naltirilgan fikr-mulohozalarini berish imkoniyati yaratildi.