Joriy yilning 10-iyun kuni JIDUda “Ochiq eshiklar kuni” tashkil etiladi

❓Hali ham qaysi oliy ta’lim muassasasiga hujjat topshirish haqida oʻylayapsizmi?

❓Balki, oʻz qiziqish sohangizga mos yoʻnalishlar qidirayotgandirsiz?

❕U holda, yaqin kunlarda Jahon iqtisodiyoti va diplomatiya universitetida abituriyentlardan hujjatlar qabul qilinishini maʼlum qilamiz!

▪️ Undan oldin esa 10-iyun kuni Jahon iqtisodiyoti va diplomatiya universitetida “Ochiq eshiklar kuni” o‘tkaziladi.

▪️ Soat 10.00da boshlanadigan ushbu tadbirda Siz bakalavriat taʼlim yoʻnalishlari, shuningdek, universitetda talabalarning samarali ta’lim olishi va boʻsh vaqtini mazmunli oʻtkazishi uchun yaratilgan sharoitlar haqida batafsil maʼlumot olishingiz mumkin.

✅ Jahon iqtisodiyoti va diplomatiya universitetiga kiruvchilar uchun quyidagi ta’lim yo‘nalishlaridan birini tanlash imkoniyati mavjud:

60310800 – “Xalqaro munosabatlar”

60310700 - “Siyosatshunoslik”

60412000 – “Xalqaro iqtisodiyot va menejment”

60420100 – “Yurisprudensiya” (Xalqaro huquq)

▪️Hurmatli abituriyentlar! Sizni Jahon iqtisodiyoti va diplomatiya universitetining «Ochiq eshiklar kuni»ga taklif qilamiz!

Bizning manzil: 100007 Toshkent shahri, Mustaqillik shoh ko'chasi, 54.

Telefon raqami: (+99871) 267-05-88