Ommaviy axborot vositalari uchun materiallar qanday tayyorlanadi?

JIDUning Axborot-resurs markazi hamda O'zbek va rus tillari kafedrasi tashabbusi bilan universitet talabalari va respublika ommaviy axborot vositalari xodimlari bilan uchrashuv bo'lib o'tdi. Universitet mehmonlari - "Advokat" jurnali bosh muharriri o'rinbosari Shahnoza Xalsaidova va "O'zbekiston o'qituvchisi" gazetasi bosh muharriri o'rinbosari Olga Surgutanova, "Ma'rifat" gazetasi bo'lim mudiri Zilola Madatova va gazeta muxbiri Shoira Bo'ymurodova talabalarga o'z nashrlarining yo'nalishlari, matnlar, materiallar tayyorlashning o'ziga xos xususiyatlari to'g'risida gapirib berdilar. "Advokat" jurnali tahririyati o'quvchilarga turli sohalarda ularning huquqlari himoyasi bilan bogliq tushuntirish va tanishtirish bo'yicha katta ish olib bormoqda. Odamlarni tinglay olish, to'g'ri tushunish va sezgir, o'z ishining uchun javobgar bo'lish qobiliyati zamonaviy mutaxassisning muhim fazilatlaridan biridir.

"Ma'rifat" va "O'zbekiston o'qituvchisi" gazetalari o'quv va ma'rifiy yo'nalishlarga qaratilgan, ularda oliy ta'lim, sport va yoshlar bo'limlari, marketing va reklama bo'limlari, maktablar bilan ishlash bo'limi va boshqalar mavjud. "Ma'rifat" gazetasi 90 yilligini nishonlash arafasida bo`lib, yoshlar, o'qituvchilar va keng jamoatchilikning sevimli nashriga aylandi. Gazeta bosh muharriri Xusan Nishonov jamoani o'quvchilar uchun eng dolzarb, muhim bo'lgan mavzuni yoritishga yo'naltirishga intiladi, jamoa nashrning, hamda tematik sahifalarning dizayniga katta e'tibor beradi. Ushbu tahririyatlarda jurnalistlik mahorati maktabi ochilgan, gazeta bilan hamkorlik qilishni istagan har bir kishi unda ma'lumot, yangilik, maqola yozishni o'rganadi, shu jumladan talabalar, o'rta maktab o'quvchilari, litsey o'quvchilari va boshqalar.

Jurnalistlar yig'ilganlarga gazeta nashrlarining yangi sonlarini tarqatishdi, talabalardan ular bilan tanishishni va o'z fikrlari va istaklarini bildirishni so`radilar. Gazetalarning so'nggi sahifasida tahririyat telefon raqamlari, saytlari, mobil ilovalarning manzillari, telegram kanallari joylashgan. Har bir inson madaniy, ma'rifiy mavzudagi ma'lumotlar, materiallarni yozishi va o'zbek yoki rus tillarida nashrga yuborishi mumkin. "Faqat sizga bir talab bor, - dedi "O'zbekiston o'qituvchisi" gazetasi muharriri o'rinbosari Olga Surgutanov, yoshlarga murojaat qilib, - material o‘zingizniki bo'lsin, boshqa birovdan ko‘chirilgan yoki o'zgartirilmagan bo`lishi kerak. Shaxsiy tajriba, sizning shaxsiy idrokingiz, baholashingiz, fikringiz biz uchun har doim qadrlidir, biz muallifning individualligini saqlaymiz".

Uchrashuv interaktiv shaklda bo'lib o'tdi, ko'plab talabalar o'z fikrlarini bildirdilar va muhokama qilingan masalalar bo'yicha savollar berishdi. Talabalarni qiziqtirdi: bosma gazetalarga qancha ehtiyoj borligi, axir ko'pchilik Internet tarmog'ida o'tirib ma'lumot oladi (Samandar Samadov), qaysi mavzularda yozish yaxshiroq, qaysi hajmda, formatda yozish afzalroq (Saida Sattarova), gazetalarning reytingi qanday aniqlanadi, jurnalistik materialni tashviqotdan qanday ajratish mumkin (Shahnoza Sodiqova) va boshqalar. Berilgan savollarga javoblarda, gazeta o'qish, sahifalarini varaqlash, do'stim, katta o'rtoqlar bilan muloqot qilish quvonchiga o'xshaydi, deyilgan. Sizga yoqqan maqola bilan gazeta uzoq vaqt saqlanishi mumkin va har doim istalgan vaqtda qayta o'qiladi. Internetda qidirish vaqt talab etadi va har doim ham barcha gazeta nashrlari internetda o`z aksini topmaydi. Siz hamma narsalar haqida, birinchi o'qituvchingiz haqida, sizga kuchli ta'sir ko'rsatgan ustozlar haqida, kitob, teatr, spektakl, sevimli musiqiy guruhingiz, qiziqarli odam, rassom, diplomat bilan uchrashuv haqida yozsangiz ham bo`ladi. Agar bo‘lsa siz she'rlaringizni, hikoyalaringizni yuborishingiz mumkin. Reytinglarga kelsak, bunga javoban turli xil o'lchov kampaniyalari, tashkilotlari borligi, ko'pincha tomoshabinlar orasida telekanallarning mashhurligini aniqlash uchun so'rovnomalar o'tkaziladi va h.k.

Uchrashuvda JIDU kafedra mudiri Mehribon Abdurahmanova mehmonlarga mazmunli suhbat, munozara uchun minnatdorchilik bildirdi, kelajakdagi siyosat va diplomatiya mutaxassislari informatsiya tayyorlay olishi, xalqaro miqyosdagi muhim voqealar bo'yicha tezkor xabarlar bera olishi kerakligini ta'kidladi. Talabalarga "O'zbekiston o'qituvchisi" gazetasining "Student Meridiani" tematik sahifasi uchun materiallar tayyorlash taklif qilindi.Bu ularning respublika ommaviy axborot vositalari bilan hamkorlikdagi birinchi mustaqil ijodiy sinovi bo'ladi. Universitet kutubxonasining o'qish zalida gazeta, jurnallar, jurnalistika va axborotni tahlil qilish bo'yicha darsliklar, kitoblar namoyish etildi.

Fotima Mo'minova,
professor, JIDU nashriyoti muharriri